Stjórn

Hluthafar geta komið sjónarmiðum á framfæri eða sett fram spurningar til stjórnar í gegnum tölvupóstfangið stjorn@skeljungur.is sem ritari stjórnar hefur umsjón með. Ritari stjórnar tilkynnir stjórn um allar tillögur eða spurningar hluthafa og hefur stjórnin yfirumsjón með viðbrögðum félagsins við þeim.

Jón Ásgeir Jóhannesson

  • Stjórnarformaður
  • Tók fyrst sæti 2019

Jón Ásgeir er stofnandi Bónuss, fjárfestir og ráðgjafi. Áður starfaði Jón sem forstjóri Haga. Hann hefur víðtæka reynslu af stjórnarstörfum en hann hefur sinnt stjórnarformennsku fyrir Haga og síðar Baug Group ásamt stjórnarstörfum fyrir Iceland Foods og Magazin du Nord, auk fjölda annarra innlendra félaga. Jón Ásgeir er einnig varamaður í stjórn 365 miðla hf.

Þórarinn Arnar Sævarsson

  • Meðstjórnandi
  • Tók fyrst sæti árið 2019.

Þórarinn er sérleyfishafi Remax á Íslandi og eigandi og stjórnarmaður fjárfestingafélaganna Loran ehf., RPF ehf. og IREF ehf. Þórarinn býr yfir mikilli þekkingu og reynslu á sviði sjávarútvegs og af fasteignamarkaði, tengt kaupum, sölum, umbreytingu og þróun fasteigna, auk fjárfestingaverkefna í ráðgjafafyrirtækjum, nýsköpunarfyrirtækjum og tæknifyrirtækjum. Stofnun fasteignasölukeðju á Íslandi og erlendis. Þórarinn er löggiltur fasteignasali og leigumiðlari en ásamt því hefur Þórarinn próf frá Vélskóla Íslands og Skipstjórnarskólanum, auk flugnáms.

Nanna Björk Ásgrímsdóttir

  • Meðstjórnandi
  • Tók fyrst sæti 2021

Nanna Björk er fjárfestir en hún hefur verið í eigin fjárfestingum frá 2006. Hún hefur komið að rekstri fjölmargra verslana, bæði hér heima og erlendis, ýmist sem eigandi og fjárfestir eða stjórnandi, t.d. All Saint, Whistles, Karen Millen, Shoe Studio og Warehouse. Þá starfaði hún hjá Kaupþing Bank, Corporate Finance við almenn lögfræðistörf 2001-2003 og á Lex lögmannsstofu við almenn lögfræðistörf 1999-2000. Nanna Björk er með LLM-meistaragráðu í Evrópurétti frá Háskólanum í Stokkhólmi og embættispróf í lögfræði frá Háskóla Íslands.

Sigurður Kristinn Egilsson

  • Meðstjórnandi
  • Tók fyrst sæti 2021

Sigurður er stofnandi Arcur Finance sem sérhæfir sig m.a. í fjármögnun fyrirtækja ásamt ýmsum sérhæfðum verkefnum. Frá 1998-2007 starfaði Sigurður á eignastýringasviði Kaupþings banka, frá 2007-2010 starfaði hann á eignastýringasviði bankans erlendis og leiddi uppbyggingu á alþjóðlegu sjóðasviði fyrir fagfjárfesta. Frá árinu 2010-2016 veitti Sigurður forstöðu eignastýringar og sérhæfðra sjóða hjá ALM Verðbréfum sem fjármagnaðir voru af lífeyrissjóðum. Þá hefur hann setið í stjórn Meniga fyrir hönd fjárfesta. Sigurður er stjórnarformaður NeckCare Holding ehf. Sigurður útskrifaðist sem véla-og iðnaðarverkfræðingur frá Háskóla Íslands og er auk þess með löggildingu í verðbréfaviðskiptum.

Guðbjörg Heiða Guðmundsdóttir

  • Meðstjórnandi
  • Tók fyrst sæti 2022