Stjórn

Jón Ásgeir er stofnandi Bónuss, fjárfestir og ráðgjafi. Áður starfaði Jón sem forstjóri Haga. Hann hefur víðtæka reynslu af stjórnarstörfum en hann hefur sinnt stjórnarformennsku fyrir Haga og síðar Baug Group ásamt stjórnarstörfum fyrir Iceland Foods og Magazin du Nord, auk fjölda annarra innlendra félaga.

Jón Ásgeir situr einnig í stjórn Strengs hf. og Heimkaups ehf. og er varamaður í stjórn 365 hf. og Lyfjavals ehf.
Jón er formaður starfskjaranefndar SKEL.

Nanna Björk er fjárfestir en hún hefur verið í eigin fjárfestingum frá 2006. Hún hefur komið að rekstri fjölmargra verslana, bæði hér heima og erlendis, ýmist sem eigandi og fjárfestir eða stjórnandi, t.d. All Saint, Whistles, Karen Millen, Shoe Studio og Warehouse. Þá starfaði hún hjá Kaupþing Bank, Corporate Finance við almenn lögfræðistörf 2001-2003 og á Lex lögmannsstofu við almenn lögfræðistörf 1999-2000. Nanna Björk er með LLM-meistaragráðu í Evrópurétti frá Háskólanum í Stokkhólmi og embættispróf í lögfræði frá Háskóla Íslands.

Nanna situr einnig í stjórn RES 2 ehf., RES 9 ehf. og Eldra ehf.
Nanna situr í starfskjaranefnd SKEL.

Sigurður er stofnandi Arcur Finance sem sérhæfir sig m.a. í fjármögnun fyrirtækja ásamt ýmsum sérhæfðum verkefnum. Frá 1998-2007 starfaði Sigurður á eignastýringasviði Kaupþings banka, frá 2007-2010 starfaði hann á eignastýringasviði bankans erlendis og leiddi uppbyggingu á alþjóðlegu sjóðasviði fyrir fagfjárfesta. Frá árinu 2010-2016 veitti Sigurður forstöðu eignastýringar og sérhæfðra sjóða hjá ALM Verðbréfum sem fjármagnaðir voru af lífeyrissjóðum. Þá hefur hann setið í stjórn Meniga fyrir hönd fjárfesta. Sigurður er stjórnarformaður NeckCare Holding ehf. Sigurður útskrifaðist sem véla-og iðnaðarverkfræðingur frá Háskóla Íslands og er auk þess með löggildingu í verðbréfaviðskiptum.

Sigurður er stjórnarformaður Arcur ehf. og situr einnig í stjórn Neckcare ehf.,Zeda ehf., Mælifjallið ehf., REC Studio ehf. og REC Sjóðum ehf.
Sigurður er varaformaður stjórnar SKEL og situr einnig í endurskoðunarnefnd.

Birna Ósk er Framkvæmdastjóri sölu- þjónustu- og markaðssviðs APM Terminals, sem rekur innviði fyrir hafnir um allan heim en áður áður en hún hóf störf þar aflaði hún sér víðtækrar reynslu í íslensku atvinnulífi með áherslu á sölu, markaðsmál, þjónustu og vöruþróun. Hún sat í framkvæmdastjórnum Símans, Landsvirkjunar og Icelandair frá 2011-2022. Birna Ósk hefur umtalsverða reynslu af stjórnarsetu, meðal annars í Gildi lífeyrissjóði, Já hf., CRI hf., Eyri Vexti og Skeljungi.

Birna situr einnig í stjórn Mílu hf., Brekkumýri ehf., Sunstone IV hf., og Sunstone III ehf. Birna situr í starfskjaranefnd og tilnefningarnefnd SKEL.

Guðni Rafn er eigandi og forstjóri Skakkaturns ehf. umboðsaðila Apple á Íslandi. Guðni hefur viðtæka reynslu af fjárfestingum á alþjóðlegum verðbréfamörkuðum. Áður starfaði hann m.a við verðbréfamiðlun hjá Kaupþingi banka frá árunum 2005-2007 starfaði síðar hjá Eyrir Invest en hefur sinnt eigin fjárfestingum frá árinu 2009. Guðni útskrifaðist með BS í viðskiptafræði frá Háskóla Íslands og er auk þess með löggildingu í verðbréfaviðskiptum.

Guðni er Stjórnarformaður Skerjabrautar ehf., Klapparholts ehf., Grásteinsmýri hf., RES 9 ehf., M Invest ehf., Blue Ghost ehf. Guðni er sömuleiðis stjórnarmaður í Hraunhafnartanga ehf., GE Capital ehf., Skakkaturn ehf., Árkór ehf., 2E ehf., Fögruhæð ehf., Bustravel Iceland ehf., Fasteignafélaginu L4 ehf., Edra ehf. Streng hf. og Metatron ehf.
Guðni situr í endurskoðunarnefnd SKEL.